KINGINE KILICHOTOKEA KWENYE HII CLUB PALIPOTOKEA UGOMVI WA CHRIS BROWN NA DRAKE.

Picha ya juu ni kabla ya ugomvi na ya chini ni baada ya ugomvi.

W.I.P. na Greenhouse, Club mbili ambazo ziko kwenye jengo moja, club za usiku huko New York Marekani palipotokea ugomvi wa kurushiana chupa kati ya mastaa wa muziki rapper Drake na mwimbaji Chris Brown zimefungwa kwa muda.
Wengi wamejiuliza inawezekanaje club hizo mbili zikawa zimefungwa kwa sababu hiyo tu? Kwa mujibu wa polisi wa New York NYPD club hizo zimeripotiwa kutokea ugomvi mara kadhaa kabla ya Chris na Drake ambao walipigana na kurushiana chupa.
Msemaji wa NYPD amesema kufungwa kwa club hizo kumetokana na kukiukwa kwa masharti na makubaliano kati ya wamiliki wa club hiyo na polisi wa New York ambapo Meneja wa club hizo Jonathan Cantor pia anashikiliwa na polisi kwa sababu ya kutoripoti kwenye kituo cha polisi mara kadhaa kama alivyotakiwa. 

Drake na Chris Brown, hii picha ilipigwa kitambo sana kabla ya beef kuanza.

Drake anadaiwa kumpiga Chris Brown pamoja na kumchana na chupa kwenye kidevu baada ya Brown kumuagizia pombe wakati alimuona kwenye angle moja ya club hiyo.
Chris na Drake hawapatani na usiku huo walijikuta wote kwenye club moja, Chris alipomuona mwenzake aliamuagiza muhudumu kumpelekea Drake pombe,  Drake alikasirika na kumfata CB na kupandishiana pamoja na kuanza kurushiana maneno kuhusu  Rihanna ambae inadaiwa wanamgombania.