HAYAWI HAYAWI SASA YAMEKUWA! AMINI AFUNGA NDOA!

Yule nyota wa robo saa mpaka November au December Amini Mwinyi mkuu amefunga ndoa kimya kimya bila hata baadhi ya mastar wenzake kuhusika na ndoa hiyo ambayo wengi hawakuamini kwa kile walichokiona kuitia kwenye mitandao ya kijamii na baadhi ya vyombo vya habari..

Miaka kadhaa nyuma D.Knob aliwahi kufunga ndoa ya namna hii ambayo kwa maelezo yake alisema kuwa harusi yake hawakuzidi watu 15 kuanzia Kanisani mpaka sehemu waliyoamua kukaa na kupata vinywaji kadhaa.

Amini Mwinyi Mkuu kutoka THT amefata nyanyo za D.Knob na wasanii kadhaa ambao waliwahi kufuga ndoa za kimya kimya kwa Amini ndoa yake ilifungwa Msikiti wa Ibazi uliopo Manzese baada ya swala ya saa 2 usiku,idadi ya watu walioshuhudia ndoa hiyo hawakuzidi watu 20 na hiyo ni jumla ya wazazi pamoja na wasindikizaji.

Amini kafunga ndoa na msichana anaeitwa Farida Bashir au Namcy Vana ambaye sauti yake imesikika kwenye wimbo wa Kantangaze uliotoka miezi kadhaa iliyopita,Miaka kadhaa nyuma Amini amewahi kuripotiwa kuwa na uhusiano na msanii mwezake Linah.

Source Mirlad Ayo.com