LULU MICHAEL ARUDISHWA MAHABUSU BILA KUPANDA KIZIMBANI

Msanii wa filamu nchini Tanzania aliyejaa vibweka na utanashati, mwanadafada Elizabeth Michael Kimemeta Mwenye umri usiojulikana, maarufu kama Lulu, anayekabiliwa na tuhuma ya kesi ya mauaji  ya msanii nguli aliyefahamika kama mpenzi wake wa siku nyingi marehemu Steven Kanumba, jumatatu ya tarehe 18, alirudishwa mahabusu bila kupanda kizimbani katika Mahakama ya Hakimu Mkazi Kisutu, jijini Dar es Salaam hadi hapo Mahakama Kuu Tanzania, Kanda ya Dar es Salaam, itakapotoa uamuzi kuhusu suala la utata wa umri wake. Baada ya mshtakiwa huyo kufikishwa mahakama hapo jumatatu hakupandishwa kizimbani kutokana na jalada la kesi hiyo kuwa Mahakama Kuu, ambapo suala la utata wa umri wake litasikilizwa Juni 25, mwaka huu mbele ya Jaji Dk. Fauz Twaib.

Lulu alirudishwa mahabusu kutokana na sheria kutoruhusu usikilizwaji wa awali kuendelea wakati Mahakama Kuu inaendelea kusikiliza maombi yaliyowasilishwa na mshtakiwa kutaka umri wake uchunguzwe.